DÎVÂN-I HULÛSÎ-İ DÂRENDEVÎ

1. Derde düş oldukça dil dostdan devâ hâsıl kılar Cevrine eğdikçe baş zevk u safâ hâsıl kılar 2. Öyle istiğnâdadır gönlüm reh-i aşkında kim Koydu andan gayrıyı fakr u fenâ hâsıl kılar 3. Cevre kâildir safâsına gönül vermez rızâ Çünkü her lutfu cefâ kahrı safâ hâsıl kılar 4. Hüşyârım sâkiyâ bir bâde lutf et kim bana Mestlik bir kîmyâdır kim fenâ hâsıl kılar 5. Dostun ihsânın kula lâzım denir gerçi taleb Bir taleb var ki talebsizdir atâ hâsıl kılar 6. Derd zevkin bilmeyen ister devâlar derdine Gör kim ârifdir o kim derd ü belâ hâsıl kılar 7. Sa’y eder zâhid ki zühd ile rızâ tahsîl ede Bilmez o kim bu amel zerk u riyâ hâsıl kılar 8. Ey Hulûsî derdi yoklardan devâ etme taleb Derdi yoklar derdine kandan devâ hâsıl kılar